Nilinaw ng Department of Transportation (DOTr) na ang libreng sakay ng gobyerno para sa mga estudyante sa darating na pasukan ay para lamang sa LRT-2.
Ayon kay DOTr Undersecretary Cesar Chavez, malaking pondo na ng gobyerno ang ibinuhos sa PNR at malaki rin ang nagastos sa libreng sakay sa MRT-3 kamakailan kaya sa LRT-2 lang bubuksan ang libreng sakay sa mga estudyante.
Matatandaan na unang inanunsyo na ang libreng sakay para sa mga estudyante ay ipapatupad sa LRT-2, MRT-3 at PNR.
Samantala ang nasabing libreng sakay sa LRT-2 ay epektibo mula Agosto 22 hanggang Nobyembre 4 ngayong taon.
