Ipinagbabawal na ng Manila Economic and Cultural Office (MECO) sa Taiwan ang pagsagawa ng transaksyon ng mga Overseas Filipino Workers (OFWs) kapag walang appointment.
Ito ang inanunsiyo ng MECO kung saan layunin nito na maiwasan ang pagdagsa ng OFWs sa MECO at para mapanatili ang social distancing protocols.
Anila, sa panahon na lamang ng emergency tatanggap ang MECO ng walk in na OFWs.
Samantala, pinayuhan ng MECO ang OFWs sa Taiwan na mag-ingat at palaging uminom ng tubig upang maiwasan ang heat stroke at dehydration.
