Posibleng dumami pa ang bilang ng nagugutom sa National Capital Region kung isasailalim muli sa Alert level 2 ang rehiyon.
Ito ang nakikita ni Albay Rep. Joey Salceda matapos ang pahayag ng Department of Health na posibleng ibalik ang Alert level 2 sa Metro Manila sakaling tumaas na naman ang COVID-19 cases.
Ayon kay Salceda, dapat pag-isipan ng IATF ang plano dahil maaaring pumalo sa 640,000 households ang magugutom kung muling ipatutupad ang lockdown.
Sa 17 lungsod at bayan sa NCR, 14 aniya rito ang nakitaan ng pagtaas sa bilang ng nagugutom.
Sapat naman itong dahilan para kay Salceda upang hindi na magpatupad ng mahigpit na restriksyon.
