Isusulong ng papasok na Marcos Administration ang pagkakaroon ng matinding pakikipag-ugnayan sa china kaugnay sa usapin ng West Philippine Sea.
Ayon kay National Security Adviser-Designate Clarita Carlos, napag-usapan na nila ni President-Elect Ferdinand ‘Bongbong’ Marcos Jr. Ang isyu ng WPS kahapon matapos siyang italaga sa naturang posisyon.
Bagamat ani Carlos ay hindi pa niya nakakausap ang papalitang si NSA Hermogenes Esperon Jr. Para sa isasagawang transition.
Binigyang diin nito na hindi na bago sa kanya ang usapin ng national security at ito ang kanyang expertise.
