Tumutulong na rin ang Philippine Red Cross sa pagresponde sa mga naapektuhan ng pagputok ng Bulkang Bulusan sa Sorsogon.
Nakapagbigay na ang PRC ng hot meals sa mga pamilyang pansamantalang nananatili sa Tughan isolation area.
Nagpadala na rin ito ng mga tauhan upang magkasa ng assessment sa lugar, gayundin ang paglalaan ng ambulansya, food truck, at water tanker.
Samantala, naglabas rin ang PRC ng mga dapat gawin ng publiko upang maging ligtas tuwing mayroong nagaganap na pagputok ng bulkan.
Kabilang na rito ang pagtalima sa mga abiso kaugnay sa paglikas, pagkakaroon ng emergency plan, pagsusuot ng face masks at paghahanda ng lifeline kit.
