Kinilala na ng Philippine Coast Guard (PCG) ang pitong pasaherong nasawi sa nasunog na RoRo vessel sa Real, Quezon kahapon.
Tinukoy ni PCG spokesman, Commodore Armand Balilo ang mga biktimang sina:
- Viola Impreso, 47 anyos
- Marivic Samareta, 61 anyos
- Edna Balanac, 64 anyos
- Mina Enciso, 57 anyos
- Charito Escareces, 57 anyos
- Andy Tejares, 54 anyos
- at Crisanto Debelles, 51 anyos
Nailigtas naman ang 127 iba pang pasahero.
Sa kabuuan, 134 ang lulan ng barko kabilang ang sampung crew ng M/VMERCRAFT 2.
Sa ngayon, blangko pa rin ang PCG sa sanhi ng sunog na batay sa inisyal na report ay nagsimula sa engine room ng barko.
