Patay ang isa sa mga staff member ni Tabango, Leyte Mayor Jonathan Remandaban matapos pagbabarilin sa Ormoc City.
Kinilala ni Maj. Ronald Espina hepe ng tabango police station ang biktimang si Dave Damayo, 40 anyos.
Batay sa imbestigasyon, nagpapahinga si Damayo sa loob ng Nissan Navara nito habang nakaparada sa gilid ng kalsada nang paulanan ng bala sa Barangay Campokpok, noong Sabado ng gabi.
Agad tumakas ang mga salarin patungong Barangay Inangatan, sa bayan ng Tabango.
Inaalam na ng mga otoridad ang motibo sa krimen at pagkakakilanlan ng gunmen.
