Sang-ayon si Dr. Maricar Limpin, Pangulo ng Philippine College of Physicians, na isailalim sa granular lockdown ang mga lugar na may pagtaas ng mga kaso ng COVID-19.
Sa panayam ng DWIZ, sinabi ni Limpin na dapat na agad na magpatupad ng lockdown sa mga lugar na makikitaan ng pagsirit ng COVID-19 cases.
Una nang sinabi ni Health Secretary Francisco Duque III na kung kinakailangan ay magkakaroon lamang ng granular lockdowns at hindi malawakang lockdown.
Muli ring binigyang-diin ni Limpin ang kahalagahan ng pagsusuot ng face mask at pagkakaroon ng bakuna kontra COVID-19.