Tila may patama ang designer na si Jojo Bragais kay Miss Universe 2018 Catriona Gray matapos na mag-post ang designer sa social media ng, “You don’t have to like me, but at least give the respect… #waxin #waxout”.
Marami naman sa mga netizen ang nagsabi na si Catriona ang pinasaringan nito matapos na pasalamatan ni Catriona ang kanyang glam team maging ang gumawa at nagdisenyo ng kanyang gown na si Mak Tumang sa unveiling ng kaniyang wax figure sa Singapore.
Mababatid na si Bragais kasi ang nagdisenyo ng sapatos ng beauty queen nang manalo ito sa Miss Universe, ngunit hindi kasama ang designer sa mga pinasalamatan ng beauty queen. —sa panulat ni Mara Valle
