Muling binuksan ng pamunuan ng Quiapo Church sa publiko ang pahalik sa itim na Poong Nazareno sa unang araw at unang Biyernes ng buwan.
Ayon kay Reverent Father Danichi Hui, ang pahalik ay bukas mula alas-4 ng madaling araw hanggang sa magsara ang simbahan mamayang gabi.
Wala ring limit sa mga deboto na nais humawak sa imahe ng Poong Nazareno pero aniya may mga safety protocols pa rin na ipinatutupad.
Samantala, ikinatuwa ng mga deboto ang pagkakataong ito at nanawagan na maibalikang traslacion sa susunod na taon. — sa panulat ni Airiam Sancho
