Binanatan ng vlogger-youtuber na si Angelica Yap o mas kilala bilang si “pastillas girl” ang batikos ng mga netizen hinggil sa kanilang relasyon ng Ex-Battalion rapper na si Archie Dela Cruz o mas kilala naman bilang si “Flow G.”
Kasunod ito ng komento ng mga netizen kay Angelica na nakipagrelasyon lamang siya kay Flow G. dahil umano sa pera.
Say ni Angelica, pantay ang estado ng pamumuhay nila ng kaniyang boyfriend lalo na pagdating sa pinansiyal dahil parehas silang nagtatrabaho at kumikita ni Flow G.
Dagdag pa ng vlogger “aanhin mo ang maraming pera, kung hindi mo naman mahal ang iyong karelasyon.”
Iginiit ng aktres na nakabase siya sa personalidad ng isang tao at hindi sa pera. —sa panulat ni Angelica Doctolero
