Makakaranas nang pag-ulan, pagkulog at pagkidlat ang bahagi ng Puerto Princesa, Palawan at Kalayaan Island dulot parin ng Low Pressure Area (LPA).
Mainit at maalinsangang panahon naman ang mararanasan sa nalalabing bahagi pa ng Luzon habang katamtamang sikat ng araw na may mga pag-ulan, pagkulog at pagkidlat sa bahagi ng Laoag, Baguio, Tuguegarao, Legazpi, Tagaytay at Metro Manila.
Asahan parin na makakaranas ng mga kalat-kalat na pag-ulan, pagkulog at pagkidlat ang bahagi ng Zamboanga Peninsula habang ang buong kabisayaan at nalalabing bahagi ng Mindanao ay makakaranas naman ng mga pulu-pulong pag-ulan dahil parin sa easterlies.
Agwat ng temperatura sa Metro Manila ay maglalaro sa 24°C hanggang 34°C habang sisikat naman ang haring araw mamayang 5:53 ng umaga at lulubog naman ito mamayang 6:08 ng hapon. —sa panulat ni Angelica Doctolero
