Natagpuang wala nang buhay ang sikat na R&B singer na si Keith Martin kahapon sa inuupahan nitong condo unit sa Eastwood, Quezon City.
Ayon sa Quezon City Police, nireport ng katabing condo unit ng singer ang mabahong amoy na nanggagaling sa unit nito at doon nga ay tumambad ang bangkay ni Keith.
Sa ngayon ay hindi pa batid ng pulisya kung ano ang naturang dahilan ng pagkamatay ng singer na nagsimulang manirahan sa Pilipinas noong 2014.
Samantala, mababatid na si Keith ay sumikat sa kanyang kantang ‘because of you’ noong 2004. – sa panulat ni Mara Valle
