Kalaboso ang isang delivery rider matapos mahulihan ng mahigit isang daang libong pisong halaga ng hinihinalang shabu sa ikinasang buy-bust operation sa Capistrano Ext., Brgy. Hagonoy, Taguig City.
Kinilala ng City Police Drug Enforcement Unit o DEU ang suspek na si Harry Nawali, 26 taong gulang.
Nakumpiska mula kay Nawali ang limang sachets ng umano’y shabu na tinatayang nagkakahalaga ng P136K, kasama na rito ang limang daang pisong buy-bust money at isang kaha ng sigarilyo.
Mahaharap ang suspek sa reklamong paglabag sa comprehensive dangerous drugs act.
