Ipinanawagan ng ilang guro sa Commission on Elections (COMELEC) ang pagtanggal sa 20% tax sa kanilang susuwelduhin sa halalan sa Mayo a–9.
Personal na nagtungo ang grupo ng mga guro sa COMELEC headquarters sa Intramuros, Maynila upang ilatag ang kanilang panawagan.
Ayon sa grupo, dalawang beses na silang lumiham sa poll body pero wala pa rin itong tugon sa kanilang apela.
Bagaman inihayag ni bagong COMELEC Commissioner George Garcia na suportado niya ang mga guro, tanging ang kongreso at Bureau of Internal Revenue (BIR) ang makasasagot sa kanilang hirit.
