Nagpaabot ng mensahe ng pasasalamat at pagkilala ang ilang mambabatas sa mga kababaihan ngayong International Womens Day.
Sinabi ni Abra lone district JB Bernos na dapat na patuloy na magkaisa ang mga kababaihan para sa pagbabago ng lipunan dahil mahalaga ang papel na ginagampanan ng mga ito para sa kinabukasan.
Nagpaabot naman ng pasasalamat si Surigao Del Norte, 1st district Rep. Bingo Matugas sa katatagan, kasipagan, pagmamalasakit, dedikasyon sa pamilya at komunidad ng lahat ng kababaihan sa Siargao at Surigao Del Norte, lalo na sa panahon ng pandemya at kalamidad.
Isinusulong ni Quezon City 1st district representative Onyx Crisologo ang gender equality at women empowerment sa pamumuno at public service.
At itinutulak naman ni Antique lone district representative Loren Legarda, ang patuloy na pakikibaka tungo sa pagkakaroon ng pantay na oportunidad at pagtrato sa mga kababaihan.
