Isinasapinal na ng pamahalaan ang mga ipatutupad na guidelines para sa face to face classes ng mga paaralan sa mga lugar na nasa ilalim ng Alert level 1.
Ayon kay Acting Presidential Spokesperson Karlo Nograles bago pa ilabas ang inamyendahang IATF Guidelines para sa new normal, ay pinapayagan ang pagsasagawa ng face to face classes sa Alert level 1.
Aniya, nagpupulong na ang Department of Education (DepEd), Commission on Higher Education (CHED), at Technical Education and Skills Development Authority (TESDA) para dito.
Sa ganitong paraan aniya, mabilis na maipapalabas ang mga karagdagang guidelines para sa face to face classes ng mga paaralang ibababa sa nasabing Alert level.
