Maghahain ng subpoena ang Senate Committee on Public Order and Dangerous Drugs laban sa gaming tycoon na si Charlie ‘Atong’ Ang.
Ito ay matapos mabigo si Ang na dumalo sa pagdinig ng Komite kaugnay sa pagkawala ng nasa 31 sabungero.
Ayon kay Committee Chairperson Ronald “Bato” Dela Rosa, si Charlie ang nagmamay-ari ng tatlong arena kung saan nawala ang mga sabungero.
Isyu sa kalusugan ang dahilan ni Ang sa hindi pagdalo, pero nangako ito na dadalo sa susunod na panel hearing kung bumuti na ang kaniyang kalagayan.
Ang mga lugar na pinangyarihan ng pagkawala ng mga sabungero ay sa; Sta. Cruz sa Laguna, Bulacan at sa Maynila. —sa panulat ni Abby Malanday
