Nakapagtala ang Department of Health ng 1, 223 na bagong tinamaan ng COVID-19 sa bansa ngayong araw.
Dahil dito, pumalo na sa 3,660,020 ang kabuuang kumpirmadong kaso kung saan 53,934 ang nananatiling aktibo.
Nasa 2,400 naman ang mga bagong gumaling kaya’t 3,549,735 ang mga gumaling na COVID-19.
128 naman ang nadagdag sa bilang ng mga nasawi dahilan para umakyat sa 56,351 ang total COVID-19 related deaths.
Ayon sa DOH, lahat ng laboratoryo ay operational noong Pebrero 24 habang apat na laboratoryo na hindi nakapagsumite ng datos sa COVID-19 Document Repository System (CDRS).—sa panulat ni Abie Aliño-Angeles
