Inaresto ng awtoridad ang isang 19 na taong gulang na lalaki matapos mahulihan ng 2 baril sa Southville 3, barangay Poblacion, Muntinlupa City.
Kinilala ang suspek na si Sherwin Apolinar, residente ng nasabing barangay.
Nahuli si Apolinar sa ikinasang anti-criminality operation, kung saan nasabat mula rito ang isang pen gun, isang kalibre .22 na baril at dalawang bala.
Inihahanda na ng Muntinlupa police ang kaukulang reklamong isasampa laban sa suspek.—mula sa ulat ni Gilbert Perdez (Patrol 13)
