Inaresto ng mga kawani ng National Bureau of Investigation NBI-Anti-Human Trafficking Division ang isang babaeng recruiter na nag-aalok ng student visa sa mga nais mangibang bansa.
Kinilala ang suspek na si Ranya Yusop.
Ayon kay NBI-anti human trafficking division chief attorney Janet Francisco, modus ng suspek na pangakuan ng nasabing visa ang kaniyang mga nare-recruit para mabilis ang paghahanap ng trabaho.
Samantala, ilan sa mahigit 30 na-recruit ni Yusop ang nakapagbigay na umano ng tig-P300K upang makapagtrabaho bilang factory worker o hotel cleaner sa Europe.—sa panulat ni Airiam Sancho
