Magtatayo ng Banana Research and Development Center sa Davao Del Norte sina presidential aspirants Bongbong Marcos at Davao City Mayor Sara Duterte upang mapaunlad ang industriya ng saging at masugpo ang problema sa mga peste sa pananim.
Tugon ito ni Marcos nang personal na tanungin ng local officials na sina Davao Del Norte Gov. Roy Catalan, Vice Gov. Oyo Uy at Rep. Antonio lagdameo kung paano matulungan para mapalakas ang banana industry sa probinsiya.
Ayon kay Marcos, batid niya ang problema sa ‘fusarium wilt’ na isang uri ng pesteng umaatake sa mga saging.
Ang Banana Research Institute ang sagot upang malabanan ang lahat ng uri ng peste, bukod pa sa malaking bagay sa larangan ng pagtatanim.
Batay sa pag-aaral, aabot sa 500 milyong piso ang kailangan upang makapagpatayo ng research institute para sa pagpapalakas sa scientific, technical, at environment-friendly technologies and processes.
Sa kasalukuyan, ang Pilipinas ay umaasa lamang sa pagsasaliksik at nakukuhang binhi mula sa taiwan dahil mayroon na silang sariling research institute.
