Mahigit 7,000 kandidato ang sasalang sa unang araw ng 2015 bar examinations bukas, November 8 sa UST Campus sa Maynila.
Ayon sa Korte Suprema, hahatiin ang exam sa dalawang schedule – 4 na oras o mula alas-8:00 ng umaga hanggang alas-12:00 ng tanghali sa unang subject at mula alas-2:00 ng hapon hanggang alas-6:00 ng gabi sa isa pang subject.
Ipinaalala ng High Tribunal na magbubukas ng alas-5:00 ng umaga at alas-12:00 ng tanghali ang Espania Gates ng UST at isasara ito, 30 minuto bago ang examination time.
Kailangang isuot ng examinees ang color coded IDs nila kasama ang kanilang notice of admission.
Tuluy-tuloy pa ang bar exams sa mga susunod na araw ng linggo ng buwang ito sa November 15, 22 at 29.
By Judith Larino | Bert Mozo (Patrol 3)
