Pinapayagan na ng Department of Health (DOH) na magsagawa ng face to face classes ang mga lugar na nasa ilalim ng Alert level 2.
Ayon kay Health Undersecretary Maria Rosario Vergeire, nakadepende umano ito sa mapag-uusapan ng DepEd at local government units para makapagpatuloy ang in-person classes.
Dagdag pa ni Vergeire, kailangan makipag-ugnayan din ang mga LGU para ma assess din kung tama na magbukas ng klase sa kanilang mga lugar.
Kasama aniya sa kondisyon bago payagan ang face to face classes kailangan aprubado ito ng LGU at may kakayahan ang mga eskwelahan na magsimula ng face to face na nasusunod sa inilabas na standard.
At higit sa lahat kailangan masiguro na mababakunahan ang mga kabataan bago sumalang sa face to face classes.
Samantala, hinikayat ng DOH ang mga magulang at LGU pabakunahan ang mga kabataan upang maipagpatuloy na rin ang pag-aaral ng mga kabataan sa kani-kanilang eskuwelahan.