Inihayag ng Police Regional Office – Caraga (PRO-13) na binalasa nito ang 94 personnel sa iba’t ibang sangay ng Phil. National Police (PNP) sa rehiyon bago ang halalan.
Ayon kay PRO-13 Director Brig. Gen. Romeo Caramat Jr., ang reassignment ng mga pulis ay bahagi ng direktiba ni PNP Chief Gen. Dionardo Carlos.
Nabatid na nanguna ang Surigao del Sur PPO sa may pinakamaraming miyembro na inalis sa puwesto na umabot sa 31 na sinundan ng Surigao del Norte (29), Agusan del Sur (12), Dinagat Islands, (12), at Agusan del Norte (10).
Samantala, iginiit ni Caramat na nananatiling non-partisan organization ang PNP kaya’t mahalaga ang balasahan sa kanilang hanay upang hindi maimpluwensiyahan o malagay sa alanganin ang kanilang trabaho at maiwasan ang karahasan sa darating na eleksiyon.
