Umapela ang United Nations ng karagdagang suporta upang mapabilis ang recovery at reconstruction ng mga lugar na hinagupit ng Super Typhoon Odette, isang buwan matapos itong manalasa.
Ayon kay U.N. – Philippines Resident Coordinator Gustavo Gonzalez, nababalam ang relief efforts para sa mga komunidad na naapektuhan ng bagyo at isa sa pangunahing dahilan ang pagsirit ng COVID-19 cases.
Nagkakasakit anya ang mga Staff at nakaapekto na ito sa delivery ng mga supply para sa mga biktima ng bagyo.
Sa ngayon ay aabot pa lamang sa 39% mula sa target na 107.2 million dollars ang nakakalap na pondo ng UN para sa mga lugar na apektado ng kalamidad, partikular sa Visayas at Mindanao.
Nananawagan din si Gonzales sa publiko na suportahan ang Humanitarian Operations ng UN at gobyerno ng Pilipinas upang matiyak na mayroong sapat na pagkain, malinis na inuming tubig at matitirahan ang mga biktima.