Umalma ang Alliance of Health Workers kasunod ng pagluwag ng restriksiyon mula sa red list countries.
Mas pinaiksi kasi ng Department of Health (DOH) ang quarantine period na tatagal na lamang ng limang araw para sa mga na-expose na asymptomatic o walang nararamdamang sintomas ng Covid-19.
Ayon sa grupo ng mga health care workers, dapat ibalik ang standard quarantine period dahil kahit pa bakunado ang isang indibidwal na may kaso ng omicron ay kaya parin nitong makahawa sa loob ng sampung araw.
Sa ngayon, kasi mahigit anim na libong health care workers na ang nahawahan ng Covid-19.
Sinabi pa ng grupo na dapat tugunan ng gobyerno ang kakulangan ngayon sa health sector dahil hindi solusyon ang pagpapaikli ng quarantine period dahil sila mismo ang magsasakripisyo sa kapabayaan ng gobyerno. — Sa panulat ni Angelica Doctolero