Sisimulan na ngayong araw ng Philippine National Police (PNP) ang kanilang checkpoint operations sa iba’t ibang bahagi ng bansa.
Ayon kay PNP Spokesperson Col. Roderick Alba, magsasagawa ng checkpoint operations sa mga strategic location upang mahigpit na ipatupad ang pagbabawal sa pagdadala ng baril ng mga hindi otorisadong indibidwal simula ngayong linggo, Enero a-9 ng hatinggabi.
Bilang pangkalahatang tuntunin, tanging ang mga bonafide na pulis, militar at mga miyembro ng mga ahensyang nagpapatupad ng batas na may kumpletong uniporme ang pinapayagang magdala ng mga baril sa buong panahon ng halalan.
Samantala, mananatili ang COMELEC gun ban hanggang matapos ang halalan sa Mayo. —sa panulat ni Kim Gomez
