Inaalam ng awtoridad ang pagkakakilanlan sa isang bangkay na natagpuan ng isang residente sa bahagi ng Tayabas City, Quezon Province.
Ayon sa awtoridad, nakasuot ng kulay gray na brief at medyas ang biktima na tinatayang nasa edad 30 hangang 40 anyos at may taas na 5’7.
Bukod pa dito, may balot din ng masking tape ang buong mukha at ulo, nakatali ang mga kamay at paa at may mga palatandaang pinahirapan muna bago pinatay sa hindi pa malamang pamamaraan ng biktima.
Patuloy pang iniimbestigahan ng awtoridad kung sino ang responsable sa pagpaslang sa biktima.—sa panulat Khime Gomez
