Hiniling ng PDP-Laban ruling party sa Commission on Election (COMELEC) na muling buksan ang paghahain ng certificate of candidacy (COC) para sa 2022 National and Local Elections para sa lahat ng posisyon.
Sa 20 pahina ng petisyon, sinabi ni PDP-Laban Secretary General Melvin Matibag na dapat isaalang-alang ng poll body ang naturang hakbang dahil hindi pa maaaring ipagpatuloy ang pag-imprenta ng mga balota para sa halalan sa Mayo ng susunod na taon.
Ayon kay Matibag na mayroon pang ilang kasong nakabintay sa ilang mga kandidato at partylist groups kaya dapat itong ma-review ng komisyon.
Sinabi pa ni Matibag na mabibigyang benepisyo ng naturang petisyon ang bawat isa kaya dapat itong ikunsidera ng COMELEC.
