Nakaranas ng aberya ang ilang vaccination sites sa unang araw ng National Immunization days.
Ayon kay Health Undersecretary Myrna Cabotaje, ilan sa mga naranasang problema ay ang kawalan ng walk-in sa vaccination sites.
Ilan rin aniyang mga bata ang hindi na-accomodate dahil hindi available ang bakuna para sa kanila.
Bilang tugon dito, sinabi ni Cabotaje na maaaring palawigin ng LGU’s ang oras ng bakunahan sa kanilang lugar at magdagdag ng mga tao. Hinikayat rin niya ang mga kabataan na magpa-schedule ng appointment.
Maliban sa mga ito, nagkaproblema naman sa internet connection ang ilang LGU’s kaya’t hindi nakapagsumite ng report.
Samantala, sinabi naman ni Cabotaje, na walang naitalang adverse events maliban sa minor effects na naranasan ng mahigit 70 indibidwal.—sa panulat ni Hya Ludivico
