Pina-alalahanan ng Department of Labor and Employment (D.O.L.E.) Ang mga employer na deklaradong regular holiday ang Bonifacio day, ngayong Nobyembre 30.
Sa ilalim ng holiday pay rules, tatanggap ang mga empleyadong papasok ngayong araw ng dobleng-arawang sahod, kabilang na ang cost of living allowance sa unang walong oras sa trabaho.
Makatatanggap naman ng regular daily wage ang mga trabahador na hindi papasok.
Para sa mga mag-o-overtime, inihayag ng D.O.L.E. Na dagdag 30% ang dapat makuha ng isang empleyado sa kada hourly rate nito.
Karagdagang 30 percent din para sa mga papasok kahit day-off bukod pa sa dobleng – arawang sahod. —sa panulat ni Drew Nacino
