Arestado ng mga operatiba ng Philippine National Police Criminal Investigation and Detection Group o PNP CIDG ang dating Bise Alkalde ng Picong, Lanao Del Sur na si Alinader Balindong sa isang Ospital sa Ozamis City
Ito’y matapos isilbi ng pulisya ang mandamiyento de aresto laban kay Balindong dahil sa mga kasong pagpatay at tangkang pagpatay sa isang market administrator ng Malabang, Lanao del Sur noong isang taon
Ayon kay CIDG Director P/MGen. Albert Ferro, naka-confine ngayon si Balindong sa Misamis University Medical Center sa Ozamis City matapos magpakita ang abogado nito ng granted motion para sa kanyang hospital arrest
Si Balindong ay kasalukuyan ding kumakandidato sa pagka – Alkalde ng Malabang sa naturang Lalawigan para sa 2022 National at Local Elections
