Isang lalaking rider ang patay matapos maaksidente sa Ortigas – C-5 Flyover, sa Barangay Ugong, Pasig City.
Kinilala ang biktima na si Dhan Saturnino Fiel, 24 anyos, residente ng Taytay, Rizal.
Ayon sa Pasig City Police, kagagaling lamang ni Fiel sa Taytay nang maganap ang aksidente dakong alas-3:30 kaninang madaling araw.
Suot pa ng biktima ang helmet nito nang tumilapon dahil sa bilis umano ng takbo.
Nagsasagawa na ng imbestigasyon ang mga otoridad sa naturang aksidente. —sa panulat ni Drew Nacino
