Nakatakdang ipamahagi sa mga ospital sa susunod na buwan ang oral antiviral pill na Molnupiravir ng kompanyang Merck & Co.
Sinabi ni Medethix Co-Founder Monaliza Salian na tanging ang mga ospital at doktor na may Compassionate Special Permits o CSP ang papayagang makapag-reseta ng Molnupiravir sa kanilang mga pasyente.
Aniya, hindi pa kasi binibigyan ng Emergency Use Authorization (EUA) ng Food and Drug Administration (FDA) ang naturang gamot.
Sa ngayon ay 31 ospital ang binigyan ng CSP ng FDA para magamit ang Molnupiravir sa COVID-19 patients.—sa panulat ni Hya Ludivico
