Ibinasura ng Ombudsman ang reklamong katiwalian laban kay dating DOTR Undersecretary Cezar Chavez at LRTA Spokesman Atty. Hernando Cabrera.
Batay sa 29 na pahinang desisyon na pirmado ni Ombudsman Samuel Martirez, hindi napatunayan ang sinasabing paglabag na nagawa nina Chavez at Cabrera.
Maliban sa reklamong katiwalian, ibinasura rin ng Ombudsman ang inihaing reklamong paglabag sa Code of Conduct and Ethical Standard laban kina Chavez, Cabrera at Jorjette Belen, Program Head ng Urban Integrated Consultants Inc.
