Binigyang pagkilala ng Malacañang ang pagkapanalo ng Pinoy Artistic Gymnast na si Carlos Yulo na lumahok kamakailan sa 2021 World Artistic Gymnastics Championships na ginanap sa Kitakyushu, Japan.
Ayon kay Presidential Spokesperson Secretary Harry Roque, patunay lamang na magagaling ang mga atletang Pilipino.
Matatandaang nito lamang buwan ng Agosto ay naiuwi ng bansa ang isang gold medal matapos masungkit ni Olympian Weightlifting Athlete na si Hidilyn Diaz.
Bukod pa dito nakakuha din ng dalawang silver medal at isang bronze medal ang Pilipinas sa naganap na 2020-2021 Tokyo Olympics. —sa panulat ni Angelica Doctolero
