Nilinaw ni Labor Secretary Silvestre Bello III ang isyu kaugnay sa “no vaccine, no salary” na ipinatutupad sa ilang piling business establishment.
Ayon kay Bello, base sa IATF resolution, ang mga empleyado sa mga restaurant, hotels at iba pang establisyimento na nasa ilalim ng alert level 3 ay kailangan na fully vaccinated bago makapag-operate.
Bukod pa dito, papayagan lamang ng IATF ang mga establisyimento sa ilalim ng alert level 3 na makapag operate ng 30% indoor venue capacity at 50% outdoor venue capacity ang mga fully vaccinated individuals.
Muli namang iginiit ng kalihim na walang “mandatory vaccination” sa lahat ng manggagawa at hindi maaaring sibakin o ipitin ang sweldo ng mga ito. —sa panulat ni Angelica Doctolero
