Nakaligtas ang nasa 21 pasahero kabilang na ang 18 pasahero at 3 crew members matapos masunog ang sinasakyan nilang eroplano malapit sa Houston, Texas.
Sa impormasyong nakuha ng mga awtoridad, papalapag na sana ang Mcdonnell Douglas MD-87 airplane sa Houston Executive Airport nang sumayad ang gulong nito sa isang bakod dahilan para masunog ito.
Mabilis namang rumesponde ang mga bumbero kung saan, nailigtas ang mga sakay nito at tuluyang napatay ang naturang sunog.
Sa ngayon, 2 sa mga pasahero ang patuloy pang ginagamot sa ospital habang isa naman ang nagkaroon ng minor back injury habang patuloy pang iniimbestigahan ang naganap na insidente. —sa panulat ni Angelica Doctolero
