Target ng Department of Education na magkaroon ng incentive program para sa mga guro na binakunahan na kontra COVID-19.
Ayon kay DEPED Director Malcolm Garma, bumuo na si Secretary Leonor Briones ng kumite na babalangkas ng polisiya.
Binigyang diin naman ni Briones na ginagawa na ang pagbibigay ng insentibo sa mga private individual, local government unit at ahensya upang mahikayat ang iba na magpabakuna na.
Paraan din anya ito upang mas maging ligtas ang isasagawang pilot implementation ng face to face classes sa mga low risk area simula Nobyembre 15.—sa panulat ni Drew Nacino
