Hinimok ng Philippine Red Cross o PRC ang mga senior citizen na magpabakuna kontra Covid-19.
Ito’y bilang suporta sa kampanya ng World Health Organization o WHO na mabakunahan ang mga nasa A2 group o mga senior citizen.
Sinabi ng WHO Philippines na maraming matatanda ang naitatala na namamatay dahil sa Covid-19.
Binigyang diin ni PRC Chairman Richard Gordon, na libre ang bakuna kaya walang dahilan para hindi magpabakuna ang mga ito.
Giit pa ni Gordon na hindi lamang ang kanilang sarili ang maliligtas kundi pati na rin ang kanilang mga mahal sa buhay.
