Pinusuan ng maraming netizens ang kuwento ng isang naka-quarantine na misis na araw-araw na binibisita ng kaniyang mister.
Sa appreciation post ni Diane Bel Ortiz-Catayog, galing siya sa Amerika at kailangang sumailalim sa sampung araw na quarantine period.
Bagama’t hindi maaaring puntahan sa kaniyang kwarto, walang mintis ang kaniyang mister sa pagdalaw at pagdadala ng pagkain kahit hanggang sa labas lang ito ng hotel at sa bintana lang nito natatanaw ang kaniyang asawa.
Kinikilig umano si Diane sa ginagawa na ito ng kaniyang asawa.
Ani Diane, dito niya napatunayan na hanggang ngayon ay wala pa ring pagbabago sa kaniyang mister simula noong siya ay nililigawan pa lamang nito hanggang ngayon na siyam na taon na silang kasal at may tatlo nang anak.
