Nanawagan si Senador Bong Go kay Transportation Secretary Arthur Tugade na magpaliwanag kung bakit ipinatutupad na muli ang mandatory testing sa Private Motor Vehicle Inspection Center o PMVIC na mga ipinarerehistrong sasakyan.
Ayon kay Senador Go, ayaw ni Pangulong Rodrigo Duterte, na nahihirapan ang publiko lalo na sa mapanghamong panahon ito bunsod ng COVID-19.
Giit ng Senador, hindi pa napapanahon ang muling pagpapatupad ng PMVIS kaya’t dapat repasuhin ng ahensya ang naturang hakbang.
Bukod kay Senador Go, binatikos naman ni Senadora Grace Poe ang ahensya dahil sa muling pagbuhat ng naturang hakbang.
Giit ni Poe, pamemera ito sa mga motorista at maituturing itong krimen sa gitna ng pandemya lalo na’t may impormasyon din na saplitang binebentahan ng mga PMVIC ng insurance policy ang mga motorista para ipasa sa inspeksyon.
