Hinikayat naman ng grupo ng mga restaurant owners ang pamahalaan na payagan ang mga bakunado na kontra COVID-19 na mag-dine-in sa lockdown areas.
Suportado ng Restaurant Owners of the Philippines ang panawagan sa mas maraming mobility para sa mga may bakuna na kontra COVID-19 kahit ano pa man ang quarantine restriction.
Sa ilalim kasi ng ECQ, hindi maaring mag-dine in sa mga restaurant, pero puwede ang pag-operate ng delivery at take-out services habang sa MECQ naman ay pinapayagan ang 10 percent, pero kalaunan ay ipinagbawal din.
Ayon pa sa grupo, mas mapangangalagaan ang nasabing panawagan ang kanilang mga investment at ang kanilang mga trabaho.—sa panulat ni Rex Espiritu
