Aabot sa 700,000 food packs ang target na maipamahagi ng lokal na pamahalaan ng Caloocan City sa mga pamilyang apektado ng Enhanced Community Quarantine o ECQ.
Sinabi ni Caloocan City Mayor Oscar Malapitan na bukod pa ang food packs sa ipapamahaging cash aid ng gobyerno.
Tiniyak naman ni Malapitan na mabibigyan ng food packs ang lahat ng pamilya sa lungsod.
Nagpasalamat rin ang Alkalde sa mga kawani at volunteers na patuloy na tumutulong sa kanilang repacking sites.—sa panulat ni Hyacinth Ludivico
