Nasa 11 volcanic earthquake ang naitala sa Bulkang Taal sa nakalipas na 24 oras.
Ito’y batay sa tala ng Philippine Institute of Volcanology and Seismology (PHIVOLCS), nananatiling nakataas ang alert level 2 sa nasabing Bulkang Taal.
Bukod dito, nagkaroon ng mahihinang pagyanig na tumagal ng 1 hanggang 20 minuto.
Kaya’t ipinagbabawal pa rin ng PHIVOLCS ang pagpasok sa Taal Volcano Island at paglipad ng mga sasakyang himpapawid malapit sa tuktok nito.
Samantala, nagpaalala ang PHIVOLCS na posibleng magkaroon ng biglaang pagputok dahil sa mga aktibidad ng Bulkang Taal.
