Posible pa ring tumaas ang COVID-19 cases sa Metro Manila kahit magpatupad ng ilang linggong enhanced community quarantine.
Aminado si Health Undersecretary Maria Rosario Vergeire na sa katunayan ay ramdam na ang epekto ng mas nakahahawang delta variant dahil sa patuloy na pagsirit ng COVID-19 cases.
Halimbawa na lamang aniya sa NCR, halos 2,500 bagong kaso na ang nadagdag kaya’t sumampa sa halos 18,000 total active cases.
Ipinunto ni Vergeire na kapag nagpatupad ng mas mahigpit na quarantine classification sa susunod pang apat na linggo ay aabutin pa rin ng 18,000 active cases sa katapusan ng Setyembre.
Pero kung hindi naman nagpatupad ng lockdown o magtutuloy-tuloy lang ng GCQ with heightened restrictions ay nanganganib umabot sa 32,000 ang active cases.—sa panulat ni Drew Nacino
