Lubog pa rin sa baha bunsod ng pag-ulang dulot ng bagyong Lando ang mga sementeryo sa central at northern Luzon ilang araw bago ang Undas.
Sa Dagupan at Lingayen, Pangasinan maging sa mga bayan ng Candaba at San Luis, Pampanga, maraming residente ang hirap sa paglilinis ng mga puntod ng kanilang mga kaanak dahil maputik at babad pa sa tubig.
Dahil dito, puspusan na ang mga provincial government sa paglalatag ng mga hakbang upang maresolba ang problema sa baha.
Samantala, patuloy ang clean up operations ng Metropolitan Manila Development Authority sa mga sementeryo partikular sa Manila North Cemetery, na pinakamalaking himlayan sa bansa.
By Drew Nacino
