Ibinasura ng isang vaccine expert ang hirit na iklian ang interval ng first at second dose ng Sinovac.
Ayon kay Dr. Nina Gloriani, Vaccine Expert Panel mula DOST, mas mababa ang magiging antibody response kung iiklian sa 14 na araw ang interval mula sa kasalukuyang 28 araw base sa kanilang mga datos.
Ganito rin anya ang sistema para sa karamihan ng bakuna kung saan mas mataas ang lebel ng anti-bodies kung mas mahaba ang interval ng dalawang shots.
Una nang hinimok ng OCTA Research Group ang gobyerno na paikliin ang interval ng pagtuturok ng dalawang doses ng Sinovac at Astrazeneca COVID-19 vaccines. —sa panulat ni Drew Nacino
