Asahan nang luluwag pa ang daloy ng trapiko para sa mga magnanais tumungo sa christmas shopping capital ng Metro Manila, ang Divisoria sa lungsod ng Maynila.
Ito’y ayon kay Public Works and Highways Sec. Mark Villar ay makaraang i-anunsyo na bubuksan na nila sa buwan ng Disyembre ang Binondo – Intramuros Bridge.
Sinabi ni Villar, bagama’t sa Disyembre pa nila bubuksan ang nasabing tulay pero sa Setyembre pa lamang ay matatapos na ang konstruksyon nito.
Sa ngayon, sinabi ng kalihim na tinatapos na lang nila ang pagkakabit ng access ramps sa nasabing tulay na mag-uugnay sa mga kalye ng Muelle Dela Insdustriya, Magallanes/Riverside Drive malapit sa Kalye Solana. —ulat mula kay Patrol 5 Aya Yupangco
